'20 mila legua itsaspeko bidaian' antzezlana, gaur Erriberan 17:00etan

Astigarraga

Erribera kultur gune berrian antzerkia eskainiko da gaur 17:00etatik aurrera. Bertan, 20.000 legua itsaspeko bidaian ikusiko da. Anora surflari trebe eta itsaso-zale amorratua da eta ustekabean itsas azpiko bidaia luze bati ekingo dio Nemo kapitainak gidatua. Itsaspeko bidaian, emozioak, beldurrak, txibi erraldoiak, pertsonaia ahaztezinak, fantasiak... Denetik gertatuko zaio surflariari. Helduek 6 euro ordaindu behar dute sarrera eta 3 euro adin txikikoek.

Hernani errotzen
'Vasconia, de ducado a reino', hitzaldia

Hernani

Hernani Errotzenek antolatu dituen hitzaldien bigarrena, ostegunean, urriaren 29an izango da eta Fernando Sanchez Aranazek eskainiko du Biterin, 19:00etan. Hitzaldiaren izenburua Vasconia, de ducado a reino da. Nabarraldek argitaratzen duen liburuaren titulua da eta  egilearen esanetan: «Nire ustez, Vasconia izan beharko litzateke liburuan deskribatzen dudan lurraldearen adierazpen politikoa, historiaren gorabeherek bi zatitan banatua: Nafarroa, Pirinioetako mendilerroaren hegoaldean, eta Gaskoina, iparraldean».