Baserritarren ordezkapenak egiteko zerbitzua jarri dute martxan Astigarragan, eta Ioritz Mitxelena oiartzuarra izango dute laguntzaile, hala eskatzen dutenek. Bajak eta oporraldiak kubritu, eta lan zama haundiko garaietan laguntzen du berak, edozein motatako lanetan.

Adimen-desgaitasuna duten pertsona helduen bizi-kalitatea hobetzeko helburuz, Garagunea izeneko espazioa ireki du Goyeneche Fundazioak Hernanin. Martxa hartuta dute dagoeneko, baina oraindik boluntarioak eta kolaborazioak behar dituzte, eta horregatik, herritarrak animatu dituzte Garagunera bertaratzera: «etorri, ongi etorria izango zara!».