Aurreneko bi sagardo tragoekin gainditu zituzten hasierako urduritasunak, Gure Zirkuko kideek, txotx irekiera ekitaldian. Irripartsu erantzun zituzten Kronikaren galderak Iker Galartzak, Lur Aranburuk eta Joseba Usabiagak, umoretsu. Sagardozaleak badirela aitortu dute, eta hiruzpalau irteera egin ohi dituztela sagardotegira, lanak baimentzen dien neurrian.

Barrutik 'bat, bi eta hiru' zenbatu eta ozen oihukatu zuten Iker Galartzak, Joseba Usabiagak eta Lur Aranburuk 'Gure Sagardo Berria' esaldia. Hedabide asko elkartzen dituen eguna da, eta ikusmin guzti horren erdian, sudur gorrien irribarrea nagusitu zen. Finean, zirkua eta sagardotegia ez direlako hain eremu ezberdinak.