Beste urte batez, Gurasolagun egitasmoa jarri du martxan Astigarragako AEKk; seme-alabekin nahiz beste guraso batzuekin, euskeraz aritzeko gunea. Ostiralero egingo dituzte saioak, 16:45etatik 18:00etara, Herri Eskolako jangela txikian. Gaur bertan izango da aurrenekoa. Doakoak dira saioak, baina izena eman behar da parte hartzeko: iker-g@aek.eus, euskaraetahezkuntza@astigarraga.eus, 607 610 687 edo 943 33 10 67.

Gaur emango dio hasiera Hernaniko Gaztelekuak, otsaileko egitarau bereziari. Nerabeen interesguneak detektatzeko ariketa osatuko dute gaurkoan, aurrera begirako ekintzak prestatzeko. Eta izango dute zerekin gozatua asteburuan: karaokea egingo dute bihar, eta txokolatada igandean. Hiru egunetan, arratsaldeko 16:30etatik 20:30etara egongo da Gaztelekua zabalik.