Hilabeteko azken ostirala dela eta, euskal preso eta iheslarien alde kontzentrazioa deitu dute 20:00etan, Joseba Barandiaran plazan. Horrekin batera, dinamika berri bat ere jarri da martxan: elkartasun afariak kontzentrazioen ondoren, Zipotza elkartean. Interesa dutenek lekua erreserbatu beharko dute, Zipotzan bertan edo astigarragakolagunak@gmail.com helbide elektronikora idatzita. 

Gaztelekuak zerbitzua martxan jarriko du berriro ere, ikasturte honetarako. Hala ere, «itzulera ezberdina» izango dela aipatu dute bertakoek. Izan ere, «koronabirusak kaleko ekintzak lehenestea eskatu du» eta ondorioz, kanpoko ekintzak soilik egingo dira gaztelekuan.