Duela egun batzuk iragarri zuen Olatz Santanak sare sozialetan Reala uzteko erabakia, eta dagoeneko badu talde berria. 27 urteko atezain hernaniarrak Athleticen jokatuko du 2025-2026 denboraldia, Javier Lergaren aginduetara.
Aukera gutxi izan ditu Realean Santanak; azken denboraldian partidu bakarra jokatu du titular gisa, baina eskarmentu haundia du goi mailan. Horixe da taldeari egin nahi dion ekarpena: «Denboraldi batzuk daramatzat F Ligan, eta uste dut eskarmentua eman diezaiekedala gazteei eguneroko lanean».