Datorren larunbatean, uztailaren 5ean, jokatuko da Goizuetako BTT Martxa. Bi distantzia izanen ditu: 41,5 kilometrokoa izanen da proba luzea, eta 28 kilometrokoa laburra. Goizeko 09:00etan abiatuko dira partehartzaile guztiak herriko plazatik.
Izenemate epea zabalik dago oraindik, eta internet bidez egin behar da, rockthesport.com webgunean. Uztailaren 4ra arte izanen da apuntatzeko aukera, eta 25 euro dira bi probetarako.
Probaren egunean bertan banatuko dituzte dortsalak, goizeko 07:30etatik 08:30etara, herriko plazan. Bukaeran, berriz, zozketak izanen dira partehartzaile guztien artean. Gainera, dutxak eta mangerak izanen dira gorputz eta bizikleta txukuntzeko, eta hamaiketako ederra ere bai.