Kitto! Amaitu da Kronikak antolatutako San Joanetako Argazki Lehiaketaren 16. edizioa. Atzo eguerdian amaitu zen botoak emateko epea, eta dagoeneko baditugu bi irabazleen izenak.
KronikaKide saria Jose Luis Iraolak irabazi du aurtengoan ere, festen izaera jolastia ederki islatzen duen argazkiarekin.
Herritarren Saria, berriz, Ion Casasentzat izan da, Akelarreko kuadrillatxoaren argazkiarekin. Guztira 238 boto jaso dira, eta Casasen argazkia izan da herritarren gustukoena.
Kronikako lantaldetik eskerrak ematen dizkiegu argazkiak bidaltzen edo botoa ematen parte hartu duzuen herritar guztiei. Datorren urtean gehiago!
