Yausika dantzalekua irudikatuko du San Joan Konpartsak, aurtengo San Joan jaietako irteeran. Horri begira, bilera irekia deitu du datorren astelehenerako, maiatzak 11, 18:00etan Biterin. Bertara gonbidatu ditu Yausikako esperientziak, bizipenak edota argazkiak partekatu ditzaketen herritar guztiak.
Bestalde, erromeriarekin hileroko zita jarri dute larunbat honetarako. Plaza Berrin izango da, 18:00etan hasita; eguraldi txarrarekin, Atsegindegin.