Nekazaritza eta abeltzaintza izango dira protagonista datorren astean, Astigarragan. Lurraldia jardunaldiak egingo dituzte asteazkenetik igandera, Baratze eta Goldea elkarteek antolatuta, Udalarekin elkarlanean.
Egitarau oparoa prestatu dute, bost egunez luzatuko dena; baina bi zita nagusi izango ditu, ohi bezala: ostiralean ospatuko dute San Isidro eguna, eta igandean izango da Ilarraren Azoka, goiz osoko programarekin.
Ostiralean aurkeztu zuten Lurraldia antolatzaileek, herri baratzetan; eta hitzordua baliatu zuten herriko baserrien eta landa eremuaren egoerari buruzko hausnarketa egiteko. Bideoan jaso dugu, eta ikusgai dago kronika.eus webgunean.
LURRALDIA 2026
ASTIGARRAGAN
MAIATZAK 13, asteazkena
17:30, Umako azoka guneari buruzko topaketa, udaletxean.
MAIATZAK 14, osteguna
19:00, Pintxo poteoa, herriko tabernetan, ilar pintxoekin.
MAIATZAK 15, ostirala
SAN ISIDRO EGUNA
09:30, Xabi eta Joxan trikitilariak.
10:00, Prozesioa eta meza.
11:00, Hamaiketakoa, Gure Izarra elkartean.
12:00, Zaldi-demak: Etxetxo, Zornotza eta Garcia Alabaren zaldiak, 1.000 kiloko harriaz.
Goizean zehar, Sebastian Lizaso eta Andoni Egaña bertsolariak.
14:30, Herriko bazkaria, eta Taula baserriari esker ona.
MAIATZAK 16, larunbata
17:30, Lizardi baserrira familien bisita, Joseba Barandiaran plazatik abiatuta.
MAIATZAK 17, igandea
11:00-14:00, Ilarraren azoka (bisita gidatuak, erakusketa, dastaketa, pintxoak...), ganadu erakusketa, eta herri kirolak: Ander Altuna eta Jokin Urretabizkaia aizkoran, eta gazteen arteko herri kirol probak.