Lau pelikula eskainiko dituzte guztira, asteburu honetan, Biteriko eta Erriberako aretoetan; bakoitzean bina. Hernaniko gaztetxoenek 'Gangster txikia' izango dute ikusgai larunbatean eta igandean, arratsaldeko 16:45etatik aurrera; eta helduagoentzat 'El diablo viste de Prada 2' jarriko dute, bost saiotan: larunbatean 19:15etan eta 22:15etan; igandean 19:15etan; eta astelehenean 16:30etan eta 19:15etan.
Astigartarrek, berriz, igande arratsaldean izango dute zine saio bikoitza, Erriberan. Aurrena, 'Chirp, Honey Hillseko ikertzailea' jarriko dute gaztetxoentzat, 16:30etan hasita. Eta ondoren, 19:00etatik aurrera, 'Altas capacidades' izango da ikusgai, 12 urtetik gorakoentzat.