Urtero bezala, bihar eguerdian izango da Kantu Jira, Astigarragako kaleetan zehar. Eguraldia lagun izango dute musikariek, baita bertaratzera animatuko diren herritarrek ere; aurreko egunetako zeru garbia izango da, eta nahiz eta beroa egingo duen, ez da izango aurreko egunetakoa bezainbestekoa.
Horrela, 12:00etan hasita eta 14:00etara arte, igandea girotzen ariko dira Bentazaharreko Mutiko Alaiak taldeko kideak, Aiztondo abesbatzaren laguntzarekin. Aiztondoko kideak izan dira, hain zuzen, ekitaldiaren antolatzaileak, eta herritarrak animatu nahi dituzte bertaratu eta parte hartzera.