Etxebizitza eremu tentsionatu izendapena jaso dute Astigarragak eta Hernanik azkeneko hilabeteotan. Horrek dakar hainbat mekanismo aktibatzeko aukera, alokairuari begira bereziki; baina prezioak jaistea baino, datozen urteotako igoera saihestea eragingo du. «Ekintza txiki askoren baturan» jarri dute fokua Xabier Urdangarin Astigarragako alkateak eta Ainara Atorrasagasti Hernaniko Hirigintza eta Etxebizitza zinegotziak, arazoa arintzeko.

Buruntzaldeako Etxebizitza Sindikatu Sozialistak ez du neurri eraginkortzat jo eremu tentsionatuen izendapena. Sindikatuak azaldu duenez, Euskal Herrian egunero bataz beste hiru etxegabetze gertatzen dira eta milaka dira kalean bizi diren pertsonak. Bertan jarri nahi izan du fokoa Nahikari Mateo Borregak.