Koronabirusari aurre egiteko ezarritako berrogeialdia arintzeko denborapasak argitaratu zituen Kronikak larunbatean, eta horien artean, bertsoak botatzeko proposamena.
Ama lurra edertu da azken astean hasierarekin, eta zortziko txikian, proposamenak bidali daitezke whatsappez 688 660 714 zenbakira.
Dagoeneko batzuk jaso dira: Xuban Uriarena kronika.eus webgunean entzun daiteke. Xare Sarasolak beste hau proposatu du:
Ama lurra edertu
da azken astean,
loreak ta txoriak
dabiltza parkean,
guk berriz egon behar
etxeko atean,
birus txar hau ondotik
joan bitartean.
