Euriak ez du etenik izan, eta hainbat konplikazio izan dira azken orduetan. Bailara osoan izan dute eragina, eta hainbat bide itxita daude.
Hernanin, Karabel eta Portu arteko bidetik ezin da pasa. Karabelen, hain justu, nabarmenak dira ondorioak. Zubipe eta Landare arteko errepidea eta bidegorria erabat ur azpian dago, eta auzoko aparkalekua itxita dago. Horrez gain, Floridara ere iritsi da ura, eta kalteak agerikoak dira. Hain justu, urak gora egin zuen atzo arratsaldean, eta itxita dago Floridako tunela. Shangai eta Osinaga arteko bidea ere moztuta dago, eta baita Ereñotzu eta Fagollaga arte errepidea ere. Hori ez ezik, Oztarango bidea itxi dute eta Akarregi eta AMR arteko errepidea ere moztuta dago.
Astigarragan, Ibai parkea erabat ur azpian dago, eta Erriberan ere agerikoak dira kalteak. Okendotegi bidean, Ergobiko Garratxenen ura gainezka dago, eta bizilagunak lanean dabiltza orain, ura atera nahian.
Goizueta eta Hernani arteko bidea itxita, oraindik ere
Atzo arratsaldean jakitera eman zutenez, Urumearen egoera ikusita, Malenen bidea itxi zuten Goizuetatik Hernanirako noranzkoan, eta bidea itxita dago oraindik ere. Horregatik, abisu berriren bat eman arte, suhiltzaileek bertatik pasatzeko esan dute.
Gau osoan euria goian beheran. Etenik gabe. Errepideetan, tuneletan eta zenbait aparkalekuetan eragina izaten ari da. pic.twitter.com/78npmB7I4t
— Hernani Udaltzaingoa (@HUdaltzaingoa) December 10, 2021
#BU20E Pikoaga>Hernani linean #Pikoagako errepidea itxita eta #BU10 Usurbil>Lasarte>Hernani linean #Zubietako errepidea.
— Lurraldebus (@Lurraldebus) December 10, 2021
En breve comenzará desembalse controlado y cuidadoso de 10 m3/s.
— Aguas del Añarbe / Añarbeko Urak (@AnarbeUrak) December 10, 2021
10 m3/s-ko hustuketa arretatsu eta pixkanakakoa hasiko dugu berehala pic.twitter.com/xT6RwWD3n4