Uztailaren 11ko datuak: Koronabirusa Euskal Herrian

Kronika - Erredakzioa 2020ko uzt. 11a, 19:03

Datuen eguneraketa egin dute gaur ere, Nafarroan eta EAEn.

Gipuzkoan, 17 positibo berri izan dira, PCR testen bitartez; eta 2.414 dira orain arteko positiboak. EAEn, berriz, 31 izan dira kasu berriak, PCR testen arabera, atzo bezalaxe. Guztira, PCRak eta serologikoak kontuan hartuz, 21.574 dira kasu positiboak, orain arte. Hildako bat izan da azken 24 orduetan, eta beraz, 1.622 dira orain, Koronabirusaren eraginez hil direnak.

Herriz herrikako datuei dagokionez, ez da aldaketarik izan Urumea bailaran, atzokoen aldean: 67 dira kasu positiboak Hernanin, eta 24 Astigarragan.

Nafarroari dagokionez, 5.523 dira, PCR bidezko positibo guztiak, atzotik 27 positibo berri erregistratu baitira. Hildakorik ez da izan azken 24 orduetan ere, eta guztira 528 dira oraindik.

Eguerdi partean berritu dituzte COVID-19 edo Koronabirusak gaixotutakoen inguruko datuak, Nafarroako Gobernuak eta Eusko Jaurlaritzak.

Nafarroari dagokionez, 27 positibo berri erregistratu dira, eta beraz, 5.523 dira PCR bidezko positibo guztiak, orain arte. Hildakorik ez izan, beste egun batez, eta 528 dira oraindik ere, hildakoak. 

EAEri dagokionez, 31 positibo berri izan dira gaur, atzoko kopuru bera, PCR bidezko testetan. PCR testak eta serologikoak batuz, berriz, guztira 21.574 positibo dira orain artekoak. Hildako bat izan da azken 24 orduetan, eta beraz, 1.622 dira orain, COVID-19aren eraginez hil direnak, EAEn. Sendatuei dagokienez, 14.086 dira negatibizatutakoak, atzo baino 29 gehiago; eta beste 4.377 ospitalean alta jaso dutenak, atzotik zazpik. ZIUn 6 daude gaur, azken egunetan bezalaxe. 

Gipuzkoan 17 izan dira erregistratu diren positibo berriak, azken 24 orduetan, PCR testei dagokienez; eta beraz, 2.414 dira orain, PCR bidezko positibo guztiak. 

Hernanin eta Astigarragan ez da aldaketarik izan azken 24 orduetan; eta 67 eta 24 dira, hurrenez hurren, orain arteko kasu positiboak.

EAEko beste bi lurraldeei dagokienez, hamalau positibo berri erregistratu dira, PCR testen arabera: Bizkaian 12 eta Araban bi. Hortaz, guztira 3.389 positibo izan dira Araban, eta 7.967 Bizkaian.

Grafikoak ikusgai daude hemen, baina maiatzekoak dira azkeneko eguneratzeak.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!