Ekainaren 19ko datuak: Koronabirusa Euskal Herrian

Datuen eguneraketa egin dute gaur eguerdian, ohi bezala, Nafarroan eta EAEn.

Gipuzkoan, gaurkoan positibo berri bat izan da, PCR testen bitartez; eta 2.282 dira orain arteko positiboak. EAEn, berriz, 14 kasu berri izan dira PCR testen arabera; eta PCRak eta serologikoak kontuan hartuz, guztira 20.597 dira kasu positiboak, orain arte.  Hildako bat izan da azken 24 orduetan EAEn, eta 1.603 dira guztira, orain arte. 

Herriz herrikako datuei dagokionez, berdin mantendu dira Urumea bailarakoak, ez baita kasu berririk izan: 64 dira kasu positiboak Hernanin, eta 21 Astigarragan.

Nafarroan 5 kasu positibo berri erregistratu dira azken 24 ordutetan, PCR bidez; eta beraz, orain arte 5.364 dira, PCR bidezko positibo guztiak (test serologikoen bidez detektatutakoak ez daude kontatuta). Hildakorik ere ez da izan azken 24 orduetan, eta orain arte 518 dira guztira.

Datuen grafikoak ikusgai daude beherago, lurraldeka eta eskualdeka.

 

Ohi bezala, eguerdi partean berritu dituzte COVID-19 edo Koronabirusak gaixotutakoen inguruko datuak, Nafarroako Gobernuak eta Eusko Jaurlaritzak.

Nafarroko datuetan, 5 positibo berri izan dira azken 24 orduetan, PCR testen bidez. Eta horrela, 5.364 dira PCR bidezko positibo guztiak, orain arte. Test serologikoen emaitzen berri ez dute eman, azken egunetan. Hildakorik ere ez da izan azken 24 orduetan, eta orain arte 518 dira guztira. Alta jaso dutenak, berriz, 8.556 dira orain arte; horietatik 85, azken 24 orduetan. 5 paziente daude ZIUn, une honetan, atzo bezala.

EAEri dagokionez, 14 positibo berri izan dira, PCR bidezko testetan. PCR testak eta serologikoak batuz, berriz, guztira, 20.597 positibo dira orain artekoak. Hildakoa, ordea, bakarra izan da azken 24 orduetan EAEn, eta guztira, dagoeneko 1.603 dira orain arte. Sendatuei dagokienez, 13.514 dira negatibizatutakoak, eta beste 4.264 ospitalean alta jaso dutenak, atzo baino zortzi gehiago. ZIUn 11 dira orain, atzo baino bat gutxiago.

Gipuzkoan positibo berri bat izan da azken 24 orduetan, PCR testei dagokienez, eta beraz, 2.282 dira orain, PCR bidezko positibo guztiak.

 

Hernanin eta Astigarragan aldaketa izan da, azken 24 orduetan; eta 64 eta 21 dira, hurrenez hurren, orain arteko kasu positiboak.

EAEko beste bi lurraldeei dagokienez, bi positibo berri erregistratu dira Araban, PCR testen bidez, eta 3.323 dira guztira; eta Bizkaian hamaika kasu berri detektatu dituzte, guztira 7.880ra iritsita.