Ikasturtea bukatzeko, bi hitzordu berezi

Ardo-dastaketa eta Mintzodromoa izango dira mintzalagunen taldeentzat, eta gaur da izena emateko azkeneko eguna.

Ikasturte berezi hau bukatzear dira Euskaltzaleen Topagunearen eta Dobera Euskara Elkartearen Mintzalagun egitasmoko partehartzaileak. Eta bukaera ere berezia izan dadin, bi hitzordu prestatu dituzte, biak ere telematikoki egiteko, Jitsi aplikazioarekin.

Batetik, Mintzodromoa egingo dute, ekainaren 24an, arratsaldeko 18:30etan; eta bestetik, ardo-dastaketa bat antolatu du­te, ekainaren 25ean, 18:30etan.

Bietan izena emateko, gaurkoa da azkeneko eguna. Mintzodromorako, labur.eus/mintzo­dro­­moa web orrian eman be­har da izena, eta doakoa da.

Ardo-dastaketarako, berriz, labur.eus/ardo-dastaketa da helbidea, eta 29 euro dira. Trukean, hiru ardo botila jasoko dituzte partehartzaileek etxean, dastaketaren egunerako; eta Iñaki Olaberri enologoaren eskutik ikasiko dute horiek dastatzen.

Bi egitasmo horietan parte hartzera animatu ditu Dobera Euskara Elkarteak, Mintzalagun egitasmoko kideak.