Ekainaren 11ko datuak: Koronabirusa Euskal Herrian

Kronika - Erredakzioa 2020ko eka. 11a, 13:12
Deskargatu Info Ahotsak :

Datuen eguneraketa egin dute gaur eguerdian, Hego Euskal Herrian.

Gipuzkoan, gaurkoan ez da egon positiborik PCR testen bitartez. 2.265 dira orain arteko positiboak. EAEn, berriz, 13 kasu berri izan dira PCR testen arabera, bat Araban eta hamabi Bizkaian; eta PCRak eta serologikoak kontuan hartuz, guztira 20.261 dira kasu positiboak, orain arte. Lau hildako izan dira azken 24 orduetan EAEn, eta 1.584  hildako dira guztira, orain arte. 

Herriz herrikako datuei dagokionez, Hernani eta Astigarragan atzoko datu berdinek jarraitzen dute. Orain beraz, guztira, Hernanin 61  dira positiboak, eta Astigarragan 21.

Nafarroan, berriz, kasu positiboak lau erregistratu dira PCR bidez; eta orain arte, 5.340 dira, PCR bidezko positibo guztiak (test serologikoen bidez detektatutakoak ez daude kontatuta). Hildako bat egon da hamaika egun hildakorik gabe egon eta gero. Orain arte 516 dira guztira.

Datuen grafikoak ikusgai daude beherago, lurraldeka eta eskualdeka.

 

Ohi bezala, eguerdi partean berritu dituzte COVID-19 edo Koronabirusak gaixotutakoen inguruko datuak, Eusko Jaurlaritzak eta Nafarroako Gobernuak.

Nafarroan lau positibo izan da azken 24 orduetan, PCR testen bidez. Eta horrela, 5.340 dira PCR bidezko positibo guztiak, orain arte. Test serologikoen emaitzen berri ez dute eman, azken egunetan. Hildako bat egon da hamaika egun hildakorik gabe egon eta gero. Orain arte 516 dira guztira.. Alta jaso dutenak, berriz, 7.446 dira orain arte; horietatik 188, azken 24 orduetan.

EAEri dagokionez, 13 positibo berri izan dira, PCR bidezko testetan. PCR testak eta serologikoak batuz, berriz, guztira, 20.261 positibo dira orain artekoak. Hildakoak, ordea, lau izan dira azken 24 orduetan EAEn, eta guztira, dagoeneko 1.584 dira orain arte. Sendatuei dagokienez, ez dute daturik eman. ZIUn 18 dira orain, atzoko datu berdina.

Gipuzkoan positibo berririk ez da egon azken 24 orduetan, PCR testei dagokienez, eta beraz, 2.265 dira oraindik, PCR bidezko positibo guztiak.

 

Hernanin eta Astigarragan ez da positibo berririk erregistratu, beraz orain arte, Hernanin 61 izan dira, eta Astigarragan 21.

EAEko beste bi lurraldeei dagokienez,  positibo bat erregistratu da  Araban, PCR testen bidez, eta 3.305 dira orain guztira; eta Bizkaian hamabi kasu berri detektatu dituzte, guztira 7.827ra iritsita.

Gizartea
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!