KIROLA

Asinkoko gimnasioa erabili daiteke dagoeneko, baina aldi berean bi lagunek bakarrik eta ordua eskatuta

Asinkoko gimnasioa erabili dezakete berriro, goizuetarrek.

Internet bidez hartu behar da txanda, Goizuetako gimnasioa erabiltzeko. Eskolako eta Lubineko frontoiak ere, herritar guztiek erabili ditzakete, gehienez 20 lagunek kontaktu fisikorik gabe, eta aldez aurretik txanda hartuta.

Herriko hainbat kirol instalazio dauzkate erabilgarri goizuetarrek, deseskalatzearen hirugarren fase honetan. Dagoeneko erabili dezakete Asinkoko gimnasioa, baina baldintza eta mu­ga batzuk errespetatuz.

Gehienez ere bi lagunek erabili ahal izango dute aldi bere­an, egunean ordubetez. Horretarako, txanda eskatu beharko da, internet bidez, helbide honetan: labur.eus/0rI8j. Goizeko 09:00e­ta­tik gaueko 22:00etara hartu daiteke ordua, posta elektronikoa ere emanda.

Horrekin batera, erabilgarri daude Xalto eskolako eta Lubineko frontoiak ere, herritar guz­­ti­­entzat, 10:00etatik 14:00etara, eta 16:00etatik 20:00etara. Fron­toietan aritzeko ere, txanda eskatu beharko da, udaletxera deituta: 958 51 40 06.

Kirola egiteko erabili behar dira frontoiak, eta gehienez 20 la­gun egon daitezke, kontaktu fisi­ko­rik gabe. Entrenatzailea ez den pertsona batekin joan daiteke, eta erabili ondo­ren, garbitu eta desinfektatu behar da.

 

Ikastaroetan izenematea, Hernanin eta Astigarragan

Astigarragan eta Hernanin ere zabaldu dute kiroldegia, aste honetan; eta ikastaroak jarriko dituzte martxan, udarako. Hernanin, bost ikastaro eskainiko dituzte aire librean (Ave Maria parkean, igerileku irekietako belardian edota herrian barre­na), ekainaren 15etik 30era: Martxan jarri!, Zir­kuituak aire librean, Hernanin barrena, pilatesa eta zunba. Guz­tietarako, bihar arte eman dai­teke izena, 943 55 21 85 telefonoan edo kirola.hernani.eus web orrian.

Astigarragan, berriz, haur eta nerabeentzat, Jolas Txiki eta Multikirola eskainiko dute uda­ran, eta baita jump fit, zumba, aireko gimnasia, ziklo indoor eta bungee air fit ere. Helduentzat ere, izango dira ikastaroak uztailan, abuztuan eta irailan: aireko pilatesa, pilatesa, gimnasia, hipopresiboak, zumba, strong zumba, aerofit, body weight, jump fit, ziklo indoor, TRX eta bungee airfit. Guztietarako, etzi arte eman daiteke izena, kiroldegian. Eta datorren astelehenean egingo dituzte zozketak.