Ohi bezala, eguerdi partean berritu dituzte COVID-19 edo Koronabirusak gaixotutakoen inguruko datuak, Eusko Jaurlaritzak eta Nafarroako Gobernuak. Nafarroan 9 izan dira positibo eman dutenak, PCR testen bidez. Serologikoen berri ez dute eman. PCR bidezko orain arteko positiboak 5.287 dira. Test mota guztiak batuz, berriz, atzora arte, guztira 9.234 ziren. Hildakorik ez da izan azken 24 orduetan, eta guztira, 515 dira orain artekoak. Alta jaso dutenak, berriz, 5.870 dira orain arte.
EAEri dagokionez, 5 izan dira positibo berriak, PCR bidezko testetan, eta serologikoak batuz, guztira, 19.820 positibo izan dira orain artekoak. Hildako 5 izan dira azken 24 orduetan EAEn, eta guztira, klinika pribatuetako datuak Eusko Jaurlaritzak orain arte emandakoei gehituta, 1.541 dira. Sendatuei dagokienez, 16.499 dira dagoeneko, atzo baino 45 gehiago. Bi gaixo ospitaleratu dira, eta ZIUn, 27 dira, atzo bezala.
Gipuzkoan gaurkoan, ez da positiborik erregistratu, PCR testei dagokienez, eta beraz, 2.314 dira guztira, orain artekoak.
Bost hildako izan dira azken 24 orduetan Euskal Autonomia Erkidegoan, baina ez da zehatzu non.
Herriz herrikako azkeneko datuek berdin jarraitzen duten, izan ere, Hernanin 60 dira positiboak, eta Astigarragan 20.
Bizkaian 3 kasu berri izan dira gaur ere, eta 7.610 dira guztira, orain. Araban, 2 positibo berri erregistratu dira eta guztira 3.006 dira orain arte.