Ohi bezala, eguerdi partean berritu dituzte COVID-19 edo Koronabirusak gaixotutakoen inguruko datuak, Eusko Jaurlaritzak eta Nafarroako Gobernuak. Nafarroan 75 izan dira positibo eman dutenak, test mota guztiak batuz; eta guztira 9.234 dira. Hildako bakarra izan da azken 24 orduetan, eta guztira, 515 dira orain artekoak. Alta jaso dutenak, berriz, 5.622 dira orain arte.
EAEri dagokionez, 7 izan dira positibo berriak, PCR bidezko testetan, eta serologikoak batuz, guztira, 19.807 positibo izan dira orain artekoak. Hildako 5 izan dira azken 24 orduetan EAEn, eta guztira, klinika pribatuetako datuak Eusko Jaurlaritzak orain arte emandakoei gehituta, 1.536 dira. Sendatuei dagokienez, 16.454 dira dagoeneko, atzo baino 123 gehiago. Gaixo bat ospitaleratu da, eta ZIUn, 27 dira, atzo baino bi gehiago.
Gipuzkoan gaurkoan, ez da positiborik erregistratu, PCR testei dagokienez, eta beraz, 2.314 dira guztira, orain artekoak.
Bost hildako izan dira azken 24 orduetan Euskal Autonomia Erkidegoan, baina ez da zehatzu non.
Herriz herrikako azkeneko datuek berdin jarraitzen duten, izan ere, Hernanin 60 dira positiboak, eta Astigarragan 20.
Bizkaian 6 kasu berri izan dira gaur ere, eta 7.607 dira guztira, orain. Araban, poritibo bakarra egon da eta guztira 3.004 dira orain arte.