Ohi bezala, eguerdi partean berritu dituzte COVID-19 edo Koronabirusak gaixotutakoen inguruko datuak, Eusko Jaurlaritzak eta Nafarroako Gobernuak. Nafarroan 116 izan dira positibo eman dutenak, test mota guztiak batuz; eta guztira 8.565 dira. Hildako bat izan da azken 24 orduetan, eta guztira, 504 dira orain artekoak. Alta jaso dutenak, berriz, 4.009 ziren atzo; gaurko daturik ez dute eman. Ospitalizazioei dagokionez, une honetan 124 gaixo daude ospitaleetan, eta horietatik 14 ZIUn, atzo bezala.
EAEri dagokionez, 9 izan dira positibo berriak atzoko 26ren aldean, PCR bidez aztertutakoetan, eta 130 serologikoetan; eta guztira, 19.146 dira positiboak orain, test mota guztiak batuz. Hildakoak 1.483 dira orain arte, azken 24 orduetan 3 izan baitira EAEn; atzo baino 7 gutxiago. Hroietako 2 hildako Bizkaiko ospitaleetan erregistratu dira, eta Gipuzkoa eta Arabakoetan bakar bat ere ez; hirugarren hildakoa, beraz, ospitaleetatik kanpokoa da, baina txostenean ez da zehazten zein lurraldetakoa. Sendatuei dagokienez, 16.965 dira dagoeneko, atzo baino 277 gehiago. Ospitaleratutako gaixoak, ZIUn, 38 dira, atzo baino 3 gutxiago.
Gipuzkoan gaurkoan berriro ere ez da positibo berririk erregistratu PCR testei dagokienez, eta beraz, 2.313 dira guztira, orain artekoak. Hildakoei dagokienez, Gipuzkoan ospitalizatutakoen artean ez da hildakorik erregistratu, eta beraz, 129 dira orain arte zenbatutakoak. Dena den, datuak emateko modua aldatu aurretik, hildako guztiak batuta baziren 285 Gipuzkoan.
Herriz herrikako datu zehatzik ez dute eman gaurkoan ere, baina bai zehaztu dutela, azkeneko lau egunetako positibo berriak zein herritan izan diren; eta horien artean ez daude Astigarraga eta Hernani. Azkeneko datuen arabera, beraz, Hernanin 55 dira positiboak, eta Astigarragan 20.
Bizkaian 7 kasu berri izan dira gaur ere, eta 7.550 dira guztira, orain. Araban, berriz, Gipuzkoan bezala, ez da kasu berririk erregistratu, eta guztira 2.988 dira orain arte. Hildakoei dagokienez, ospitaleetako datuetan, 2 hildako izan dira Bizkaian, eta batere ez Araban, eta beraz, orain arte 531 dira Bizkaian ospitalizatutakoen artean hildakoak, baina gutziak batuta, 831 dira guztira Bizkaian hildakoak, eta 361 Araban; ospitalizatutakoen artean 227.