LGTBI fobiaren aurkako Nazioarteko Eguna da gaur, eta hori ospatzeko zita jarri du Hernaniko Gaztelekuak. Herenegun elkarrizketatu zuten Egoitz Albeniz hernaniarra, Hiruki Larroxa kolektiboko kidea, @hgaztekekua Instagram kontuan, zuzeneko saioan. Eta gaur, Instagramen bertan, lehiaketa egingo dute: Albenizek berak prestatu duen galdetegia zabalduko dute, eta galdera-sorta zuzen erantzuten dutenen artean, zozketatuko dituzte Kattalin Minerren Moio, gordetzea ezinezkoa zen liburuaren bi ale.
'El mayordomo' pelikula ikusteko zita, Astigarragan
Astigarragako Gaztelekuak, bere aldetik, Gaztezinemarekin jarri du hitzordua gaur. Eta internet bidez, El mayordomo pelikula ikusiko dute nerabeek, bi ordu eta laurdenekoa.