Ohi bezala, eguerdi partean berritu dituzte COVID-19 edo Koronabirusak gaixotutakoen inguruko datuak, Eusko Jaurlaritzak eta Nafarroako Gobernuak. Nafarroan 20 izan dira positibo eman dutenak, eta guztira 6.447 dira. Lau izan dira hildakoak, azken 24 orduetan; guztira, 466 dira. Alta jaso dutenak 2.494 dira, atzo baino 83 gehiago.
EAEri dagokionez, 49 izan dira positibo berriak. Guztira, 16.246. Hildakoak, berriz, 12 dira azkeneko 24 orduetan, eta denera, 1.341 izan dira orain arte. Sendatuei dagokienez, 12.155 dira dagoeneko, atzo baino 131 gehiago. Hortaz, 2.750 dira gaixorik jarraitzen dutenak.
Gipuzkoan, bi izan dira positibo berriak, eta guztira, 2.778 izan dira orain arte. Hildakoak, berriz, beste bi izan dira azken 24 orduetan, eta guztira, 267 dira orain. Ospitalean daudenak 121 dira, atzo baino 15 gutxiago.
Urumea bailarari dagokionez, albiste onak gaurkoan ere: ez da positibo berririk izan atzotik, Hernanin eta Astigarragan, eta 48 eta 13 izaten jarraitzen dute, hurrenez hurren, orain arte positibo eman dutenak.
Nafarroan, 20 kasu berri izan dira, eta denera, 6.447 dira Koronabirusarekin gaixotutakoak. Hildakoak, berriz, lau izan dira azken 24 orduetan, eta 466 dira orain, guztira. Une honetan, 1.989 gaixo daude ospitalizatuta, atzo baino 14 gehiago, eta orain arte sendatu direnak, 2.494 izan dira.
Bizkaian, 18 kasu berri daude, eta 9.251 dira guztira. Araban, berriz, 29 kasu positibo berri izan dira; guztira, 4.217 dira orain arte.
data-url="https://flo.uri.sh/visualisation/1970338/embed">