Desinfekzio lanak egiten, Hernanin eta Goizuetan ere

Astigarragan bezala, desinfekzio lanak egiten ari dira egunotan, Hernanin eta Goizuetan ere, COVID-19 birusa hedatzeko arriskua murrizteko.

Goizuetan, udal langileak eta suhiltzaile boluntarioak aritu dira, herriko kontenedoreak desinfektatzeko lanean.

Hernanin, berriz, kaleko zen­­bait eremu desinfektatzen ari dira, Zerbitzu Publikoetako lan­­gileak: autobusetako markesinak, elikagai denda eta supermerkatuen sarrerak, prentsa saltzen duten kioskoak, far­ma­ziak, okindegiak, osasun zen­tro­­ko sarrerak, igogailuen sarrerak, barandak, udaletxeko arkupeak, hondakinen posteak, Renfeko apeaderoa eta geltokia. Herrigunean eta auzoetan ere ari dira egiten, garbiketa berezia.

Goizuetako udal langileak eta suhiltzaileak, desinfekzio lanak egiten.

Udalak azaldu du, aurreko egunetan aritu dela lortzen materiala, «garbiketa hori egiten duten langileek segurtasunez egin ahal izateko. Babesteko material hori lortzea zaila izaten ari da, dagoen eskaera haundia dela eta. Baina Udalak eta Garbitaniak eskuratu ditugu udal langileentzako EPIak (Pertsona Babesteko Ekipoak), pulberizadoreak, babesteko pantailak, desinfektantea...».

Udalak jakinarazi du, lanegunetan egingo dutela garbiketa berezi hori udal langileek; eta asteburuetan, txotx garaian bezala, baldeadoreek garbituko dituztela kaleak, ura eta desinfektantearekin.

Atal bereziak, COVID-19ari buruzko informazioarekin

COVID-19 birusaren inguruan, informazio asko ari da zabaltzen egun hauetan: gomendiak, bete­beharrak, prebentzio neurriak... Hori horrela, eta herritarren za­lantzei ahalik eta modurik erra­zenean erantzuteko, atal ba­na sortu dute Astigarragako eta Goizuetako Udalek, beraien web orrietan, Koronabirusari bu­ruzko informazio guztiarekin.

www.astigarraga.eus webgu­nean, udal informazioa egu­ne­­ratuta izango dute herri­ta­rrek: bolondres sarea, lagun­tza eska­tzeko modua, udal zerbitzuak, Udalarekin harremanak, ban­do­ak eta erabakiak, hondakin bilketa, kale garbiketa...

www.goizueta.eus atarian ere sortu dute atal berezia, zabaldu­tako informazio guztiarekin. Eta zerbitzu gehigarri bat ere eskaini dute: WhatsApp bidez helaraziko dute Udaleko eta herriko infor­ma­zioa. Horretarako, 687 832 386 zenbakia kontaktuetan gor­de behar da, Goizueta info izena­re­kin, eta «Alta» mezua bidali zenbaki horretara.

Era berean, Udalak jaki­na­razi du, telefono zenbaki berria duela laguntza sareak. Laguntza eskatzeko, 647 862 179 telefonora deitu behar da orain, 10:00etatik 15:00etara. Laguntzeko prest da­go­enak, WhatsAppetik idatzi.