Goizuetan ere martxan da herritarren laguntza sarea, egoera hauetan daudenei laguntzeko: adineko pertsonak, arrisku taldeetakoak, edota haurrak etxean bakarrik uzterik ez daukatenak. Horiek, telefonoz deitu dezakete, 681 265 187 zenbakira; eta laguntza sareko norbait joanen da behar dituzten produktuak, elikagaiak edo botikak erostera.
Astigarragan, Bolondres Sarea sortu du Udalak, eta hauek dira laguntza eskatzeko bideak: 943 33 52 32 telefonoa, edo ongintza@astigarraga.eus eta alkatetza@astigarraga.eus emailak. Boluntario izateko, berriz, telefono horretara deitu. Eta Hernanin, Urumea Herriguneak jarri du martxan Zaintza Taldea. Laguntza behar duenak, telefonoz deitu dezake, 690 145 760 zenbakira; edo whatsapp bidez idatzi, 691 651 850 zenbakira. Eta lagundu nahi duenak, idatzi whatsappetik: 663 473 045.
Astigarragan zein Hernanin, adinekoei erosketak egiteko eta haurrak zaintzeko eskainiko dute laguntza.