Dozena bat emanaldik jarriko diete soinu-banda, Gabonetako jolas, tailer eta ekintza bereziei

Instrumentuen doinuek eta he­rritarren ahotsek emango diete bizitasuna, beste urte batez, Ga­bonetako egunei. Izan ere, do­zena bat emanaldi eskainiko dituzte, bailarako osoko musi­ka­ri eta abeslariek.
Atzo agerian utzi zuen data seinalatuak gainean direla, Her­­na­saxek eta Hernani Mu­si­ka Esko­­lako akordeoi orkes­­trak Milagro­san eskaini zuten Ga­bo­netako kontzertuak. Eta bihar ere, nabarmena izango da hori: emanaldi bana eskainiko dute, Hernanin, Astigarragan eta Goi­­zuetan. Eguerdiko 12:30etan ariko dira Umore Ona abesbatza eta Goizuetako haurrak, elizan, Eneko Amundarain eta Ainara Narbartek zuzenduta. Eta ordu berean daukate zita, Astiga­rra­gako Andre Maria elizan, Nor­berto Almandoz musika esko­la­ko musikari eta abeslariek, eta Aiztondo abesbatzak. Aurre­tik, gainera, entzunaldiak es­kainiko dituzte ikasle gazte­txo­e­­nek, 10:00etan hasita, musika eskolako aretoan.
Hernanin, berriz, kontzertu berezia eskainiko du Txistulari Bandak, 13:00etan Milagrosan, biolin-jole eta piano-jole bana­re­kin: Juan Jose Arregiri eske­rrak emango dizkiote, musi­ka­ren alde egindako guztiagatik.
Ereñotzun, asteartean izan­go da mu­sikaren txanda, San Anto­­nio elizan: Txirrita eskola­ko ikas­leak, Ozenki abesba­tza, eta Doinu Zaleko ikas­leak zein akor­deoi orkestra ariko dira, 19:00etan hasita.
Eta hortik aurrera, urteroko zitekin gozatu ahal izango dute, hernaniarrek: Gabon Kanten Ja­ialdia, eskoletako eta herriko abesbatzen eskutik; Gabon gau­e­ko eta Urte Zahar Eguneko erronda eta kale bueltak...
Emanaldi horiek guztiek ja­rriko diete soinu-banda, Ga­bo­nei; baina beste hainbat ekin­tza ere izango dira bailaran.

Jolas parkeak, tailerrak eta zinea gozagarri, gaztetxoek
Ekintza horietatik gehienak, haurrei zuzendutakoak izango dira. Hernanin eta Astigarra­gan, esaterako, jolas parkeak ja­rri­ko dituzte, hainbat egune­tan. Ereñotzun, berriz, Negule­kuetan izango dute aisialdi au­kera. Gaztetxoentzako zine sa­io­ak ere antolatu dituzte: Elkano, lehen mundu bira lau egunetan jarriko dute Herna­nin; eta Oreina eta Supertramp  emango dute Goizuetan. Ipuin kontaketa bat ere izango dute goizuetarrek: Amonaren isto­rio­ak, Amaia Elizagoienekin. 
Aranon ere jarriko dute peli­kularik: Napardeath ikusiko du­­te 28an, filmaren egileak ber­­tan direla; eta afa­ri batekin eta Atopia rol joko­arekin boro­bil­du­ko dute eguna.
Astigarragan, korrika egite­ko tartea ere izango dute hau­­rrek, Inu­xente Krosean, helduek bezala­. Eta Hernanin, hainbat tailer antolatu dituzte: Argigra­ma lan­tegia, sormen tailerra eta ko­mi­ki tailerra. Burbuilak an­tzez­lana ere eskainiko dute.
Baina bereziki, hutsik egingo ez dutenak, haurrak beraienga­na erakarriko dituzten lau lagun dira: bailarako herri guz­tiak bisitatuko ditu Olentze­rok, aben­duaren 24an; eta Hernanin eta Goizuetan izango dira Errege Magoak, urtarrilaren 5ean.