Goizeko 08:20ak aldera iritsiko da gaur Korrika Gasteizera, azken helmugara, eta 12:30ak aldera bukatuko da, Andra Maria Zuriaren Plazan. Bertaraino iristeko, 2.500 kilometrotik gora egin ditu euskeraren aldeko lasterketak, Euskal Herrian barrena, eta Urumea bailaran, ostiraletik larunbaterako gauean ibili zen.
Astigarragara iritsi zen, Oiartzundik barrena, 01:00ak aldera, eta handik Hernanira egin zuen, 01:30etarako, Urnieta aldera jarraitzeko.
Eli Gorostegiren argazkiak, salgai
Kronikak dagoeneko osatu du Korrikaren Astigarraga eta Hernaniko ibilbidea, argazkitan. Eli Gorostegi argazkilari hernaniarraren bilduma osoa ikusi daiteke www.kronika.eus webgunean; Urumea bailarako beste herritar batzuk ere ez dira falta, Goizuetakoak, esaterako!
Erosi nahi izanez gero, Eli Gorostegirekin jarri harremanetan: 688 858 872 telefonoan edo eli.gorostegi@gmail.com.