Bihar bukatuko da 21. Korrika Gasteizen, baina, aurretik, Astigarraga eta Hernanitik pasa da gaualdean. Horren aurretik, aldiz, Korrika egin zuten atzo adin guztietako herritarrek.
Ikastetxeak, goizean
Hernaniko eta Astigarragako ikasleen txanda izan zen aurrena. Txikienek ireki zuten jardunaldia Hernanin; Haur Eskolako haurrek atletismoko pistaren bueltan egin zuten ?Korrika?. Ondoren, handik abiatu zen Korrika Txikia, eta Plazara arte, herriko eskola guztietako ikasleek hartu zuten parte. Gauza bera egin zuten Herri Eskolako ikasleek, Astigarragan. Eta eguerdian, Korrika Gaztean atera ziren bigarren hezkuntzako eta lanbide heziketako ikasleak. Horiek, gainera, bertsotan eta dantzan borobildu zuten festa, Plazan.
Nagusienek arratsaldean zeharkatu zuten Hernani;?herriko kaleetan barrena ibilita, testua irakurri zuen Maria Angeles Ibargurenek, eta omenalditxoa egin zioten Eulali Aranbururi, euskeraren alde egindako lanagatik.
Korrika Ttikia gaur, Goizuetan
Goizuetar eta aranoarrek, aldiz, gaur goizean izanen dute aukera Korrika Ttikian parte hartzeko. Goizeko 10:30etan izanen da izenematea, parte hartu nahi dutenentzat; eta goizeko 11:00etan eginen dute Urumea bailarako azkeneko 'Klika' goizuetar ttikienek, euskeraren alde.