[ELKARRIZKETA] Iosune Marin

Kantu Txapelketa irabazi zenuenean, Kronikari aitortu zenion zure nahia disko propio bat ateratzea zela. Lortu duzu. ‘Zeru horiek’ maketa argitaratu duzu 6 abestiz osatua.
Bai eta oso pozik nago. Kantu Txa­­pelketako finalistok atera ge­nuen diskoan Irlaren aurrean kan­­­tua grabatu nuen. Baina gehia­go banituen eta Joxan Goi­koetxeari esan nion gustora grabatuko ni­tue­la nere kantuak eta hementxe dago emai­tza. Dena berari esker izan da.

Goikoetxeak teknikari lanak egiteaz gain, akordeoiarekin ere parte hartu du diskoan. Eta beste musikari ezagun batzuek ere bai.
Lagunen parte hartzea izan dut eta beste musikari batzuena ere bai: Eneritz Bengoetxea donostiarrarena trikitixarekin, Ai ene! taldean aritzen gara elkarrekin; Su­sa­na Elosegi Susirena gitarrarekin, Mu­sika Eskolako irakaslea dena; Aitor Huizi hernaniarrarena biolinarekin... Ion Mari Bea­sain Esne Bel­tzako taldekideak ere parte har­tu du! Diskoa­ren azaleko argazkia, berriz, ne­re lagun batek ateratakoa da. Era­bat hernaniarra da beraz diskoa.

Nolako abesti eta letrak bildu dituzu?
Denetarik dago. Abesti bat ba­da, Zeru horiek, diskoaren izena ere badena, Bernardo Atxagaren nobelan oinarritua; bere hitzak bildu ditut. Beste abestietan, berriz, benetako esperientziak bildu ditut edo okurritu zaizkidanak. Egia esan, letrak asma­tzea asko kostatzen zait. Lehen beti musika sortu ondoren asmatzen nuen letra; orain alderantziz egiten saiatzen naiz. Pixkanaka ikasten noa. Azken bi abestiak, berriz, gitarra klasikoko abestiak dira, letrarik gabeak.

Ari al zara emanaldiak eskaintzen?
Emanaldiren bat edo beste es­kaini dut. Esaterako, Zarau­tzen izan nintzen gitarra festibalean. Mikel Markez eta Eduar­do Ba­ranzanorekin aritu nintzen eta pasada bat izan zen: Mikel Mar­kezen abestiak berarekin jotzea, berak nireak jotzea... Ma­keta argitaratu berri, Euska­di Irratiko Arratsean saioan ere elkarrizketa bat egin zidaten. Horrez gain, Ai ene! taldeko kideek lagunduta, Astigarra­gan ere aurkeztu nuen lana.

Maketa erosteko aukera ere bada. Nolako erantzuna izaten ari da?
Egia esan, gustora nago. Ha­sie­ran 300 kopia atera nituen eta bukatu egin ziren. Eta bi­txike­ria bezala, Bizkaiatik ere eskatu didate ale bat; Gaizka Peñafiel musikariak, hain zuzen. Herna­nin, Kutixi kafetegian eta Taloa okindegian daude salgai 5 euro­an eta emailez ere lortu litezke: iosune-93@hotmail.com.

Aipatu bezala, Ai ene! erromeria taldean ere aritzen zara.
Orain dela bi urte hasi nintzen Eneritzekin. Gaur egun, bost gara. Uda guztian erromeriaz erromeria ibili gara eta oso ondo pasa dugu. Kasu honetan, gitarra elektrikoa jotzen dut. Denetik egin beharra dago!

Eta musika afizio izateaz gain, ofizio ere izatea nahi duzu, Kontserba­to­rioan ari zara ikasteketak egiten.
Gitarra klasikoko ikasketak egiten ari naiz. Titulua atera eta irakasle izan nahiko nuke. Mu­sika da gustatzen zaidana eta bide ho­­­netatik segi nahi dut. 4 urte da­­ramazkit erdi mailako ikasketak egiten. He­men­dik 2-3 urtetara asmoa dut goi mailako ikasketak egiteko, hau da, Musi­ke­nera­ko pro­ba egiteko. Beste mun­du bat da hori; errespetua ematen dit.

Lan berririk ba al duzu eskuartean?
Abesti gehiago baditut eta gehiago sortzeko asmoa dut.