[ELKARRIZKETA] Julen Giraldo - Areto Futbola

Denboraldia hasi berria du Horbel Tabernak. Lehen­go urtean Euskal Ligara igo­tze­a lortu zuten, baina, Gi­puz­koakoan jarraitzen dute aur­ten. Lehen 2 partiduak gal­du egin dituzte, eta azkeneko biak irabazi. Julen Girarldo entrenatzaileak ar­gi du: «denborladia lehiakorra eta zaila izango den arren, dena emango dugu».

Denboraldi berria hasi duzue, baina, Euskal Ligan beharrean, Gipuzkoakoan. Zer gertatu da?
Bi arrazoi nagusi direla eta, ez gara igo Euskal Ligara. Batetik, alderdi ekonomikoa dela medio. Izan ere, izen-emaetak, fiantzak, delegatuek, partiduak han eta hemen jokatu beharrak... asko balio du.

Bestalde, eta hau da arrazoi nagusia, taldea ez zegoen prest desplazamendu horiek guztiak egiteko, jakinik kategoria honetako talde gehienak bizkaitarrak eta arabarrak direla.

Ez al dago aukerarik egoerari buelta emateko? Laguntzailerik lortu al duzue?
Patrozinatzailea lehengo ur­te­ko bera da, Horbel Taber­na, alegia. Eta Keler berriz, kolaboratzailea da.

Zaleek nola hartu dute Gipuz­koako Ligan jarraitu izana? Ba­bes­tu zaituztete?
Jarraitzaile gehienak jokalarien familiak edota koadrilak dira, eta denek ulertzen dute hau afizioa dela guretzat, eta ez profesioa.
Era berean, badakite partidu bat jokatzen dugun bakoitzean dena ematen dugula, kategoria edozein dela ere.

Nola eragin dizue egoera honek? Animikoki eraginik izan al du?
Egoerak ez du gugan eraginik izan. Igotzeko aukera sortu zen unetik bertatik argi genuen denok. Ez zen pen­tsatuta genuen zerbait izan, ez zela gertatuko uste baikenuen, baina aukera sortu zenean ere, argi izan genuen.

Denboraldi hasiera gogorra izan duzue, bai aurre-denboraldian eta baita lehen bi partiduetan ere. Azken biak berriz, kostata baina irabazi dituzue, Aretxa­ba­le­ta eta Gamoen kontra. Hasi zarete egoerari buelta ematen?
Aurre-denboraldia eta lehen bi partiduak gogorrak izan dira. Jokalari beterano ba­tzuk lesionatuta genituen, eta kategoria honetan handicap bat da hori, jokalari berriei ahalegin bera egin dezatela eskatzen baitiezu, eta hori ezinezkoa da.

Esperientzia oso garran­tzi­tsua da areto futbolean, ki­rol hau ez baita horren fisikoa.

Lehengo asteburuan, Are­­­txa­ba­letaren kontrako par­tiduan, jendea errekuperatzen hasi ginen, fisikoki hobe­tzen ari gara, eta hori nabaritu egiten da.

Denboraldia hasi berritan izan dituzue lehen lesionatuak. Erre­ku­peratu al dira?
Lesionatu askorekin hasi ginen bai. Bigarren partiduan adibidez, ekipoa osa­tzeko jokalari gisa jokatu behar izan zuen atezainetako batek. Baina pixkanaka, jendea errekuperatzen ari gara, eta beste batzuk lesionatzen dira...

Aldaketarik izan al da taldean?
Batetik, atezain batek eta jokalari batek taldea utzi dute. Baina jokalari berri bat ere badugu, Markel Erdozia, Hernaniko futbol taldetik da­torrena. Blokea, gutxi gora-behera, lehengo urteko bera da.

Bestalde, jokalari beterano batek arazo bat izan zuen bizkarrean, lehengo urtean, eta oraindik bajan dago horregatik. Baina, errekuperatu eta behingoan itzuli dadin zain gaude.

Zein helburu duzue aurtengo denboraldiari begira? Estrategia berezirik jarraituko duzue?
Helburua argia da. Partiduz partidu jokatzea, alegia. Horrek markatuko du non egongo garen denboraldiaren amaieran.

Denboraldian nola moldatuko zaretela uste duzu? Gipzukoako Ligan jarraitzen duzuenez, errazagoa egingo zaizue?
Egia esan, urtero uztaila iristen denan, ez dugu jakiten zer gertatuko den, ekipoa osatuko den ala ez. Azkene­an osatzen da, baina, aurten kosta egin zaigu hastea, eta hori nabaritu egin dugu aurre-denboraldian eta Liga hasieran.

Liga aurten lehiakorragoa da, ez talde hobeak daudelako, baizik eta, lehengo urteko taldeak ez daudelako. Eta talde horietako batzuen aurka irabazteko aukerak genituela bagenekien.

Gutxi gora-behera, Eus­kal Ligatik Gipuzkoakora jai­tsi diren taldeekin, eta al­de­rantziz, igo direnekin, ka­te­goria orekatu egin da. Tal­de guztiek dute irabazteko aukera, eta ho­rrek zailagoa eta lehiakorragoa bihurtzen du.

Azken bi partiduak irabazi egin dituzue. Badirudi hasi zaretela puntua hartzen.
Partiduz partidu joan behar dugu. Atzoko aurkaria, Ga­mon, talde gogorra da, beteranoa, eta aldaketak izan di­tu. Ezagutzen dugu elkar. Baina ez zen partidu erraza izan. Lehen zatia  berdinketarekin amaitu genuen, eta azkenean, markagailua 3-2 jartzea lortu genuen, gure alde. Kosta egin zi­tzaigun garaipena lortzea. Hemen­dik aurrera, ikusiko dugu.