[ELKARRIZKETA] Roberto Pacheco

Azken urteetan ohitura bi­hurtu da, eta aurten ere, Her­naniko Musika Bandak kon­tzertu berezi bat emango du, zuzendari lanetarako norbait gonbidatuta. Datorren ostiralean izango da emanaldia, 20:00etan Biterin, eta Roberto Pacheco izango da zuzendaria. Ez da lehenengo aldia Pacheco gonbidatzen dutela.

Pozik hartzen al da horrelako gonbite bat?
Niretzako harro sentitzekoa da herriko Banda zuzendu ahal izatea. Gainera, nahiko mo­mentu onean dago Banda, eta gogo haundia daukat kon­tzertu honetarako, errepertorio zail xamarra aukeratu dut.

Donostiako kontserbatorioan ere irakasle zara, eta beste maila bateko taldeak zuzentzeko ohitura haundia izango duzu...
Hernaniko Musika Eskolako saxofoi taldea eta Gipuz­koako Musika Es­koletako taldeak elkartuta sor­tutako Big Banda ere zu­zentzen ditut. Kon­tserba­to­rioan berriz, En­semble bat jarri dut martxan. Izan ere, normalean, kontserbatorioko ikasleek klasikoa lantzen dute, eta nire asmoa da musika estilo eta tresna desberdinak uztartzea eta ikas­tea: salsa, merengea, ja­zza, bluesa, euskal musika, rocka...

Maila eta estilo desberdinetan mugitzea gustatzen zaizu hortaz.
Azken batean, benetan interesatzen zaidana pedagogia da. Ahal den estilo eta talde desberdinetan mugitzen naiz. Ez naiz espezialista sentitzen. Aberastasuna gustatzen zait. Gehiago ikusten dut nire burua irakasle bezala, zuzendari bezala baino. 

Ostiralerako errepertorio zaila aukeratu duzula aipatu duzu. Zein?
Duela 2 urte ere zuzendu nuen Banda, eta orduan, kon­tzertu tematikoa prestatu ge­nuen, erritmo latinoekin. Orain­goan zu­kua atera nahi izan diot Ban­dari, erronka musikala jarri diot. Musika sinfonikoa, pelikula bateko soinu banda, zarzuela, musika bandarako sortutako pieza bat, zuzendari hernaniar batek konposatutako beste bat... Denetik.