[ELKARRIZKETA] Pili Blas Etxebeste hernaniarra

Zer gertatu zen zehazki
El Aaiunen?
Kanarietako 14 lagun joan ginen El Aaiunera, Mende­bal­deko Saharara, protesta eki­tal­di baketsu bat egitera. Saha­ra libre baten alde, Ma­ro­koren okupazioaren aurka, Frantziaren betoaren aurka, eta preso politikoak askatzeko eskatu nahi ge­nuen. 14 lagun horietatik 3ri ez ziguten pasatzen utzi, eta hotel batera joan ginen. Beste 11 kideak protesta hasi zuten, eta gogor jipoitu zi­tuzten.

Marokoko poliziak
jipoitu zituela salatu duzue.
Antolatua zegoen dena. Gu­re kideek pankarta ireki zu­-tenerako jende asko zuten inguruan, Marokoko banderatxoekin eta abar, eta ez zieten oihurik egiten ere utzi. Jipoitu zituztenek ondo zekiten zertan ari ziren. Kale jan­tzian zihoazen, baina per­tsona berak ziren, jipoia an­tolatu zutenak, eta polizia azaldu zenean, polizi jan­tzian azaldu zirenei aginduak eman zizkietenak.
 
Ondorengo orduak ere gogorrak izan ziren...
Bai. Denak atxilotu zituzten. Denok ikusi dituzue gure taldeko bi kide zein itxuratan utzi zituzten. Bi horiek interrogatorio beldurgarria bizitu zuten, eta ospitaletik pa­sa ziren. Ez abokaturik, ez go­bernu edo Espainiar Kon­tsulatuko kiderik, inongo or­dezkaririk gabe egon ziren.
Gero denak elkartu gintuzten Casa de España delakoan; jipoitutako 11 lagunak, eta hotelean geunden 3rak. Guk ere hara joateko erabakia hartu genuen. Etxe Ba­rru­ko Atxiloketa jarri ziguten, eta han pasa genituen hurrengo orduak. Handik hari batzuk mugitu genituen. Enbajadak norbait bidaliko zuela agindu zigun, baina ez zen inor iritsi. Bueltako bidaia hartua geneukan barkuz egiteko, eta azkenean, hara eraman gintuzten, poliziz josita. Bueltan ere, barkuan, kale jantzizko polizien presentzia nabarmena zen. Guk ordaindu behar izan genituen, taxiak, bazkari eta gosariak eta abar.

Zein dela uste duzue,
horrelako gauza bat
gertatzeko arrazoia?
Guri gertatu zaiguna asko zabaldu dute komunikabideek,  baina han egunero gerta­tzen dira horrelako kasuak. Maroko­ko poliziak egunero jipoi­tzen ditu bertako saharauiak. Zonalde okupatua da, legez kanpo okupatua, eta ho­ri sa­latzera joan ginen gu.

Zer jakin behar dugu hemen Saharari buruz?
Erabat zapalduta daude. Adie­razpen askatasunik ez  dute. Agre­sio fisikoak jasaten dituzte egunero, bortxatu egiten di­tuzte, torturatu, atxilotu... Fisi­koki eta politikoki zapaltzen dituzte. Errefuxiatu Zelaietan 200.000 saharar inguru bizi dira, Argeleko desertuan.
Beste arazo haundi bat da, euren errekurtso naturalak ustiatzen ari direla: petroleoa, arrantza... Munduko arrantza gunerik onenetakoa da Men­de­baldeko Saharakoa, eta Ma­ro­ko eta beste herrialde ba­tzuk ari dira hori ustiatzen. Espainiak ere baditu arrantza baimenak han arrantzatzeko.   

Espainia eta Frantziaren jokaera zein da gatazka honetan?
Interes ekonomikoak dituzte biek, eta ez dute ezer egiten okupazioa bukatzeko. Men­de­baldeko Sahara kolonia es­painiarra izan zen, eta ofizialki bera da oraindik, hango po­tentzia administratiboa. Es­pai­niak errespontsabilitatea du gai honetan. Es­pai­niak 1975an aldegin zuen handik, eta Marokok okupatu zuen indarrez. Munduko inon­go estatuk ez du onartzen lurralde hori Marokorena denik, baina ez dute ezer egiten.
Frantziak betoa jarri berri du Nazio Batuetan giza eskubideak bijilatzera joan ez daitezen.

Denuntziarik jarriko duzue?
Aztertzen ari gara, ikusiko du­gu. Guk nahi duguna da, he­men, jendeak jakitea hango egoe­ra zein den, Sahara herri bat dela jakitea... eta horren al­de lanean segiko dugu.

GAIARI BURUZKO INFORMAZIO GEHIAGO:

- Gertatukoari buruzko erreferentzia: http://saharacciones.blogspot.com

- Marokoko prentsan azaldutako argazkia: http://1.bp.blogspot.com/_j2asAZjb5J0/THwNNcABFBI/AAAAAAAAACA/a1Ph2zALVPM/s1600/imagen+agresion.jpg

- Babesa azaldu dutenek diotena adibidez, Aminetu Haidar (http://www.spsrasd.info/es/main3s.php) eta  Hmad Hammad  http://www.saharalibre.es/modules.php?name=News&file=article&sid=4097

- El Aaiún-en gertatutako azken gertaerak:
      http://www.porunsaharalibre.org/index.php?option=com_content&view=article&id=1228:thawra-condena-agresion-4-observadores-internacionales-en-el-aaiun-&catid=31:general&Itemid=46

http://saharacciones.blogspot.com/2010/08/la-manifestacion-de-los-activistas.html

http://poemariosaharalibre.blogspot.com/2010/08/violenta-intervencion-de-las.html


SÁHARARI BURUZKO INFORMAZIO OROKORRA:
https://docs.google.com/present/view?id=d3b56kc_42cwfwzzft

- Mapa:

http://www.un.org/Depts/Cartographic/map/dpko/minurso.pdf

-Errekurtso Naturalak:  

http://www.wsrw.org/

- Fosfatoak:

http://es.wikipedia.org/wiki/Fosfato  eta http://www.wsrw.org/index.php?cat=109&art=566

- Arma Salmenta Espainiak Marokori: http://www.elpais.com/articulo/espana/Marruecos/convierte/mejores/clientes/armas/espanolas/elpepuesp/20090610elpepinac_15/Tes
 
- MINURSO-ri buruzko informazioa:    http://www.un.org/spanish/Depts/dpko/minurso/index.html

http://www.rtve.es/noticias/20090501/los-cascos-azules-vigilaran-los-derechos-humanos-sahara-por-veto-francia/273126.shtml

- Gaur egungo informazioa, Saharan gertatzen ari denari buruz:  http://www.spsrasd.info/es/main3s.php
       => http://poemariosaharalibre.blogspot.com/