'Belarri bero, bai esan?' websailaren aurkezpena, Biterin

Zehar Kableak sortutako 'Belarri bero, bai esan?' websailaren aurkezpen mundiala izan zen Biterin, azaroaren 6an. Photocall-a eta guzti, herritarrak dotore-dotore jantzita azaldu ziren aurkezpenera. Eserleku bat ere ez zen libre gelditu, eta txalo zaparrada infinitua jaso zuten Aitor Altunak, Uxue Amonarrizek eta Uxue Bereziartuak saioa hasi orduko, eta, noski, baita proiekzioa amaitzean ere.