Hernani Burujabe herri proiektuaren barruan, Herri burujabetza jardunaldiak izango dira ostiralean eta larunbatean. Saio guztiak Iturolan izango dira, Hernaniko elkarlan sorgunean.
Denetarik landuko dute bi egunetan: besteak beste, moneta, energia, zaintza, elikadura, etxebizitza, eta beste asko. Ostiralean, Menpekotasuna vs. Burujabetza hitzaldi/mahaingurua izango da, arratsaldeko 18:30etan hasita. Hizlari lanetan arituko dira Gorka Martija Obserbvatorio de Multinacionales en América Latinako kidea (OMAL) eta Amaia Perez de Orozko ekonomia feministan aditua.
Larunbatean, berriz, goizetik hasita eguerdira arte egongo da zeregina. Hasierako ekitaldia 09:45etan izango da, eta segidan hasiko dira hitzaldiak, 10:00etan. Guztira, 50 minutuko hiru txanda egingo dituzte. Horietako bakoitzean, hiru hitzaldi izango dira, ordu berean, bakoitza areto batean. Egitaraua ikusteko: kronika.eus.