Atzo arratsaldeko 15:15ak aldera butanotik Arrobi ostaturako bidea hartu zuen trailer kamioi batek, eta gurpiletako bat bidetik aterata, ez atzera eta ez aurrera geratu zen. Arratsalde osoa eman zuten lanean suhiltzailek eta gainerako langileek, kamioia berriro ere bidera sartzeko eta, ondoren, errepide nagusira ateratzeko. Hori horrela, atzo lortu zuten, lehenik, gasoila hustea eta bidera sartzea. Dena den, gaurko utzi zuten karga guztia hustutzeko eta errepide nagusira ateratzeko lana.
Lan gogorra ari da izaten, zaila baita zama eta luzera haundiko kamioia mugitzea. Goizeko 08:30etan ekin diote kamioia hustutzearen lanari eta, gero, 10:30ak aldera gruaren txanda heldu da. Ibilgailua mugitzeko saiakera ari dira egiten orain eta azaldu dutenez, espero dute eguerdirako bidea garbi egotea.
