Segida izan dute Txantxillan, balkoietatik eskainitako kontzertuek

Taula gainera igo ziren, konfinamenduan auzoa alaitzen aritu diren musikarietako batzuk.

Konfinamendu garaia arintzen lagundu zuten musikariekin, kontzertua antolatu zuen aurreko astean, Txantxillako bizilagun elkarteak.

Asko izan dira, konfinamendu garaian, balkoietatik kaleak eta auzoak alaitzeko moduak. Eta Txantxilla auzoan, musika da falta izan ez dutena, itxialdiko hilabete horietan. Balkoitik balkoira, instrumentu ezberdinekin, auzoa alaitzen aritu di­ra. Eta orain, konfinamendua bu­katuta, horri segida eman nahi izan dio Txantxillako bizi­lagun elkarteak: musikari hori­etako batzuk gonbidatuta, kontzertua antolatu zuen aurreko astean.

Aurrena aritu ziren Ainara Ortega eta Hego Haizea taldeko Sebi Ustarroz eta Joana Ortega; eta ondoren, oholtza gainera gonbidatu zituzten Ander Loiarte eta Haritz Ezeiza.

Ez zen faltatu oholtza gaine­an, ezta ere, Joakin Ortega Canario. Eta berak, ekainaren 27ko gauerdian ere ez zuen hutsik egin, Plazan: San Joanik izan ez bada ere, egun bereziak agurtu zituen Canariok, saxofoiarekin San Joan martxa eskainita. Jarraian, bideoa: