San Inazio jaia ere bertan behera, aurten

Beharrezko segurtasun neurriak bermatu ezin direla eta, Morkaiko elkarteak erabaki du jairik ez antolatzea Santa Barbaran.

Askok izaten dute ohitura, uztaila Santa Barbaran bukatzekoa, San Inazio eguneko jaiarekin. Baina aurten, festarik ez da izango hilaren 31n, bertan. Izan ere, San Inazio jaia bertan behera uztea erabaki du Morkaiko kultur elkarteak, urtero-urtero jaia antolatzen duenak.

Azaldu dutenez, egun horre­tarako «ezin dira bermatu, Koronabirusaren ondorioz bete be­har diren segurtasun neurriak». Eta horren aurrean, suspenditzeko erabakia hartu du Morkaiko elkarteak.

Orain arte, Urumea bailaran, bertan behera utzi dituzte herri eta auzoetako festa guztiak, eta beraz, ildo beretik jo du Morkaiko elkarteak ere, hartutako erabakiarekin. Gainera, espazio mugatua da San Inazio jaia­ren gune izaten dena, Santa Barbarako eremua hain justu; eta horrek are eta gehiago zailtzen du beharrezko segurtasun neurriak bete ahal izatea.