Zaballako espetxean zegoen Asier Ezeiza Ayerra, Xaxi euskal preso hernaniarra aske geratu da gaur eguerdian. Askatasun autoa 14:30ak aldera jaso du.
Frantzian kondena beteta, Madrilgo Soto del Realera eraman zuten otsaila hasieran, eta hilaren bukaeran Espainiako Auzitegi Nazionalak epaitu zuen. Oraindik beste kausa bat zinzilik badu ere, ordukoan absolbitu egin zuten, eta Frantziara eramatekoak ziren berriro. Baina koronabirusaren eraginez ezarritako alarma-egoerak harrapatuta, Zaballako espetxean eduki dute orain arte.
Frantziako estatuak adierazi du bertan beteta duela kondena, eta Espainiako Auzitegi Nazionalak absolbitu egin zuenez, aske geratu da.
