Gaur, lehenengo fasearekin batera, hainbat taberna eta denda irekitzeko baimena eman dute Espainiako Gobernuak, eta Eusko Jaurlaritzak. Hori horrela, «saltokietan irekiera seguruagoa izaten laguntzeko» maskarak eta gel desinfektanteak banatuko dituela jakinarazi du Hernaniko Udalak, gaurtik aurrera.
Materiala, Berriak elkartean
Banaketa, Udalak Berriak elkartearekin batera egingo du, elkarlanean ari baitira. Horrexegatik, Berriak Elkartera joan behar da maskara eta gel desinfektantearen bila, Andre Kale 30 zenbakira, hain zuzen.
Udalak argi jakinarazi du, gehienez 2 maskara banatuko direla establezimendu bakoitzerako. Eta gela jasotzeko «bakoitzak bere edukiontzia eraman behar du betetzeko», hau ere segurtasunagatik.
Beraz, gaurtik ostiralera, goizeko 09:00etatik 12:30etara, aukera dago materiala eskuratzeko.