Literaturak musikari emango dio gaurkoa segida. Koronabirusari aurre egiteko jarritako konfinamendu neurriak medio, jende pilaketak saihestu behar dira, eta ohiko kultur programazioa bertan behera geratu da. Horren aurrean, Udalak online kultur programazioa jarri du martxan, maiatza eta ekaineko asteazken eta ostiraletarako.
Herenegun eman zitzaion hasiera programazioari, Maite Frankoren ipuin kontaketa saioarekin, eta gaur emango zaio segida, Ainara Ortega musikariaren emanaldiarekin.
YouTuben eta sare sozialetan
Saio bakoitza egun eta ordutegi jakin batean jarriko du Udalak ikusgai, Hernaniko Udalaren YouTube kanalean eta Hernani Kultura sailaren sare sozialetan.
Gaurkoan, 19:30etan hasita, Ainara Ortega musikari hernaniarraren emanaldia ikusi ahal izango da. Dagoeneko, YouTube kanalean sartu eta emanaldia hasterako abisua martxan jartzeko eskatu daiteke. Ondoren, sare sozialetan ikusi ahal izango dira grabazioak, Maite Frankoren ipuin saioa bezala.
Literatura, dantza, musika, erakusketak edota antzerkia
Mota guztietako emanaldiak antolatu dira. Batzuk, literaturaren arlokoak, heldu nahiz umeei zuzendutakoak. Hauek asteazkenetan emango dira, arratsaldeko 18:00etan; tartean, Unai eta Eñaut Agirreren bertso saioa.
Bestelakoen artean, berriz, musika eta antzerki emanaldiak edota bideo-dantza emanaldia eta erakusketa izango dira aukeran. Hauek ostiraletarako programatu dira, arratsaldeko 19:30etarako.
Gutxi-gorabehera, saio bakoitzak 15 minutu inguru iraungo ditu, eta ezarritako egun eta orduan ikusi ezin duenak, sare sozialetan izango ditu eskura, gero.
KULTUR PROGRAMAZIOA ONLINE
GAUR
19:30 Ainara Ortega musikaria.
MAIATZAK 13
18:00 Literatura: Zaintza, euskal emakume idazleen ahotsetan. Kattalin Miner.
MAIATZAK 15
19:30 Antzerkia: Hitzen distira. Miren Gojenola.
MAIATZAK 20
18:00 Ipuinaren ordua: Apaxi.
MAIATZAK 22
19:30 Bideo-dantza: Arantza Iglesias eta Jokin Labaien.
MAIATZAK 27
18:00 Poesia: Nire oinen atzetik. Morau.
MAIATZAK 29
19:30 Musika: Xabier Solano.
EKAINAK 3
18:00 Ipuinaren ordua: Beatriz Egizabal eta Kontukantoi.
EKAINAK 5
19:30 Antzerkia: Vito Rogado.
EKAINAK 10
18:00 Bertsoak: bertso zahar eta berriak, auskalo zeinek eginak. Unai eta Eñaut Agirre.
EKAINAK 12
19:30 Erakusketa: Nagore Legarreta.
EKAINAK 19
19:30 Musika: Ainhoa Larrañaga.