Berrogeialdi honetan sortu duen Gure artean ibiliak saioetako beste bat egingo du gaur, CD Hernanik. Ohi bezala, www.twitch.tv/cdhernani kanalean zuzenean jarraitu ahal izango da elkarrizketa, iluntzeko 20:00etan.
Gaurkoan, bi izango dira protagonistak; «jokalariak alde batera utzi, eta bi epaile gonbidatu ditugu», azaldu dute. Hain zuzen, Eider Franco eta Ibai Rezola izango dira saioan. «Kontzientziazio saioa izango da, beraiekiko elkartasuna eta babesa eskatzeko, errespetua bermatzeko».