Herritar guztiei jakinarazi nahi izan die Udalak, Udaltzaingoaren ohar baten bitartez, herriko adinekoei telefonoz deika ari dela, «beraien egoera zein den jakiteko eta beharren bat ote duten galdetzeko». Dei horiek udal langileek egiten dituzte, eta deitu orduko identifikatu egiten dira.
Baina, azaldu dutenez, «horretarako baino ez dira telefono deiak egiten ari».
«Ez onartu eskaintzarik»
Udaltzaingoak azaldu nahi izan du jakin duela «Koronabirusaren probak egiteko etxez etxeko eskaintza egiten ari» direla, baina, argitu du «ez Udala eta ez Osakidetza» ez direla ari zerbitzu hori eskaintzen. Beraz, argi eskatu du: «ez onartu horrelako eskaintzarik».
Bestalde, «diru eske dabilen talderen bat ere etxez etxe dabilela» ere badakitela gehitu du, eta argitu, «ez dela herriko ekimen bat». Izan ere, Udaltzaingoak dio Udala eta herriko talderik ez dabilela diru eskaera horiek egiten.
Onena, Udaltzaingoari jakinaraztea
Gauzak horrela, Udaltzaingoak eskatu du aipatutako eskaintzarik jasoz gero jakinarazteko: 943 24 89 00.