Koronabirusari aurre egiteko ezarritako berrogeialdia arintzeko edo nola pasa gomendatzeko proposamenak bidali ditzakete herritarrek, eta jasotzen diren guztien artean lehiaketa jarriko da martxan aurrerago, herritarrek aukeratu dezaten zein proposamen izan duten gustokoen.
Oraingoan, Pacheco familiak martxan jarritako proposamena jaso du Kronikak; zehazki, Karobieta Pictures 2020ek ekoitzitako musika-bideoa. Hernaniko martxa ezaguna, Mendirik Mendi jotzen jarri ditu hainbat musikari, nor bere etxean, eta bideo polit bat osatu du, «jendea alaitzeko», Jorge Pachecok berak aitortu bezala.
