Euskaraldia

'Hartu nazazu Euskaraz' Jon Maia bertsolariarekin, Euskaraldia pizteko

Kronika - Erredakzioa 2020ko urt. 18a, 00:00
Jon Maia bertsolariak gidatuko du 'Hartu nazazu Euskaraz' mahai-ingurua.

Euskera eta etorkinak uztartuko dituen mahai-ingurua gidatuko du bertsolariak urtarrilaren 22an, 19:00etan.

Hernaniko Euskaraldiaren aurkezpenaren ondoren, Dobera Euskara Elkarteak Euskaraldia girotzen hasteko aurreneko ekitaldia antolatu du, datorren asteazkenerako.

Hilaren 22an, 19:00etan hasita Biterin, Jon Maia bertsolariak Hartu nazazu Euskaraz mahai-ingurua gidatuko du. Etorkinak eta euskera uztartuko ditu bertan.

Errealitate linguistikoa, aztergai
Mahai-inguru honetan euskera ikasi duten etorkinak eta azken urteetan etorritakoak bilduko dira, eta euskerarekin izan duten eta egun duten harremanari buruz hitz egingo dute. Modu horretan, errealitate linguistikoaren inguruan daukaten ikuspuntuaren berri ezagutzeko aukera izango da.

Ekitaldi gehiago, aurrerago
Elkarte eta entitateekin harremanetan jartzeko fasean sartu da Euskaraldia, eta era berean, herri mailan giroa pizteko fasean. Aurrerantzean ere ekitaldi gehiago antolatuko dira.   

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!