Norbanakotik taldera, garrantzitsua da euskeraren erabilera

Asteartean 2020eko Euskaraldiari buruzko aurkezpena egin zuten, eta orain arte prestatzen ari direnaren berri ere eman zuten.

Duela bi urteko kontuak aipatu ziren aurkezpenean: «2018ko Euskaraldia, urte osoan zehar egin zen eta erronketan oinarritu ginen». Pertsona ba­koi­tzak, bere erronkak jarri eta hauek betetzea zen helburua. «Beraz, urte honetan, pauso bat aurrera egin behar genuela iru­ditu zitzaigun eta 2020rako Eus­ka­raldia antolatzen hasi ginen, be­ti ere euskera sustatzeko hel­bu­rua oinarri hartuta». Hori dela eta, 2020rako Euskaraldiak, norbanakoaren erabilera sus­ta­tzeaz gain, taldekoa bultzatu nahi du, «bakoitzak bere taldean euskeraren erabileran eragitea nahi dugu». Beraz, urte honetan dinamika hori erabiliko da, banakakoa eta taldekoa «biak bateratu eta Euskaraldia sor­tze­ko, Hernanin».

Bi euskera elkarte,bat eginik

Duela bi urte, Euskara Ari Du elkarteak antolatu zuen Eus­ka­ral­dia, eta aurten, Doberak hartu du lekukoa, bi euskera elkarteek bat eginik. Beraz, «ur­te honetako Euskaraldia, Do­be­raren eskutik eta Doberaren barruan etorriko da», azaldu zutenaren arabera.

2020ko Euskaraldiak, 3 fase

Lehenengo fasean, entitakeekin harremanetan jarri, «aurreko urteetan parte hartu zuten eta prestutasuna eskaini ziguten ho­riekin», eta urte amaiera arte konpromezua hartu nahi duten talde horiekin egingo dute kontaktua. Behin hau lo­tu­ta, bigarren fasea hasiko da, bertan erabakiko dute el­kar­te bakoitzari zein ekimen da­gokion. «Euskaraldiak as­moa dauka 15 aldiko epeak egi­teko, egitasmoa egiteko» bai­na Hernanin eta beste herri ba­tzue­tan, «3 hilabeteko lan bat egitea erabaki dugu», lehenago lanketa bat eginda, noski. Eta hirugarren fasean, orain arte konprometitu diren elkarteekin lanketa egitngo da, baina «nor­ba­na­ko­ekin ere landuko dugu».