Kinka larrian dago Goiz Eguzki jubilatu etxearen etorkizuna. Izan ere, egungo zuzendaritzak 14 urte daramazki lanean, eta «nekatuta» dago, Paco Goya lehendakariak Kronikari azaldu dionez. Horregatik, pasa den urriaren 21eko batzordean zuzendaritza osoak dimisioa aurkeztea erabaki zuen. «Ideia berriak dituen eta elkarteari bultzada sortzailea emango dion kide gazteak sartzea beharrezkoa da».
Erreleborik ez dago, ordea, eta beraz, «Goiz Eguzkiren etorkizuna eta existentzia bera daude jokoan».
Ez-ohiko batzarra gaur, bazkide guztiek
Gauzak horrela, egungo zuzendaritzak lanean jarraituko du otsaileko Bazkideen Batzarrera arte, baina ez gehiago.
Horregatik, egoera bideratzeko, ez-ohiko batzarrera deitu dira gaur bazkide guztiak, 17:30etan Goiz Eguzkin. Bertan izango dira, baita ere, Xabier Lertxundi, alkatea; Joselon Etxart, Zerbitzu Sozialetako kudeatzailea; eta Goiz Eguzkiko egungo zuzendaritza.
