Musika Banda, Ozenki eta Umore Ona, elizan

Gabonak gertu diren honetan, San Joan Bataiatzailearen pa­rrokiara eramango dituzte be­raien doinu eta ahotsak, Uru­mea bailarako hiru taldek: elka­rrekin ariko dira Hernaniko Musika Banda, eta Ereñotzuko Ozenki eta Goizuetako Umore Ona abesbatzak, gaur.

Arratsaldeko 20:00etan hasi­ko da Gabonetako kontzertu be­­rezia, eta oraingo honetan, obra gehienetan elkarrekin ari­ko di­ra hiru taldeak. Gainera, kola­bo­ratzaile gehiago ere izango di­tuzte emanaldian, izen haun­diko hainbat lagun gonbidatu baititu Musika Bandak, gaurko­an. Batetik, Helena Orcoyen so­pranoa egongo da bertan, nazio­ar­tean oso ezaguna: «prestigio haundiko emakumea da, eta ohore bat izango da bera gure artean egotea eta bere ahotsaz disfrutatzeko aukera izatea», na­barmendu dute. Eta bestetik, bakarlari gisa arituko da Jon Imanol Etxabe, abestietako ba­tean. Doinu Zaleko akor­deoi or­kestraren laguntza ere izango dute abesbatzeko, obra batean.

Hori horrela, aurreratu dute «mota askotariko taldeak eta abestiak» entzu­teko aukera izan­go dela kontzertuan: «gan­be­ra musika, haizezko instru­men­tazioa perkusioaren la­gun­­tzaz, akordeoi orkestra, bakar­lari lanetan ariko den so­pra­noa... Guzti horietaz eta mu­si­kaz Gabonetako giro­an dis­fru­tatzeko, aukera paregabea».