Gainezka egin du Urumea ibaiak gaur, euritearen eraginez, bailarako zenbait tokitan. Eta Goizuetatik Hernanirako bidean, zenbait puntutan atera da ura. Goizean goizetik eman dute abixua, Olatxon ibaiak gainezka egin duela, bideoan ikusi daitekeen bezala. Eta Arranbideko zubia ere hartu du urak goizean, ibaiaren mailaren gorakadarekin. Hori horrela, Goizuetatik Hernanirako bidea ixtea erabaki du errepideetako zerbizuak, baina arratsaldearen hasieran zabaldu dute berriro. Dena den, kontuz gidatzea eskatu dute, putzuak eta lokatza daudelako errepidean.
Hernanirako errepidea libratu dute, baina, aldiz, itxita dago Leitzarako bidea. Lurjausi haundia izan da Ibero eta Artzan artean, bidea erabat oztopatu du, eta ez dago bertatik pasatzerik.
Lurjausia Loiditik Altzuetara bidean eta bidea itxita
Gaur arratsaldean beste lurjausi bat egon da Loiditik Altzueta bidean. Ibaiak lurra higatu du eta arriskua ekiditeko bidea moztuta dago. Bide alternatiboa: Usategieta jatetxea-Lepatxiki bidea da.
